Tussufín vinstristjórn !

Örfá afrek fyrstu hreinræktuðu vinstristjórnarinnar.

 

Komin fram yfir síðasta neysludag !

Vinstristjórnin hefur verið við völd í um tvö ár, hér er að finna nokkur afrek hennar.

 

 

Icesave.

Fyrri Icesave samningar voru ríflega 400 milljörðum (ekki milljónum heldur milljörðum) HÆRRI/VERRI en þeir sem þingið er með nú. Stjórnin keyrði fyrri samningana í gegn, forsetinn sagði nei.  Forsætisráðherra þjóðarinnar kaus ekki einu sinni í fyrstu þjóðaratkvæðagreiðslunni.  Það bíttaði víst engu máli.  Kannski smáatriði, en ef allir hefðu gert eins og Jóhanna þá hefðum við aldrei fengið nýjan samning.  Af hverju hefðu Bretar átt að fara að gera nýjan samning óneyddir?  Af því að þeir eru spila fair-play?  Segja hryðjuverkalög okkur eitthvað?

 

Við fengum samt mikið betri samning.  Sagði einhver af sér?  Kannski sá sem skipaði Svavar Gestsson?  Neee...  af hverju, þetta munaði ekki svo miklu og Svavar var orðinn þreyttur.  Mál af þessari stærðargráðu er sko ekki ástæða til afsagnar.   Þetta munaði MEIRA en 1.000 milljónum á DAG frá því að forsetinn sagði nei.  Á DAG !

 

Stjórnlagaþing.

 Kostar 500-800 milljónir.  Verðleggjum ekki lýðræðið.  Í miðjum niðurskurði þá er bara að forgangsraðað öðruvísi, lokum bara nokkrum heilbrigðisstofnunum út-á-landi.  Þetta dreifbýlispakk getur bara komið í bæinn ef á þarf að halda.

 

Nú eru 14.000 manns atvinnulausir og við eyðum meira í stjórnlagaþing en t.d. nýframkvæmdir í vegagerð.  Auðvitað.  Ég meina þetta er ÓBINDANDI, RÁÐGEFANDI þing sem Alþingi getur algerlega hunsað.  Hvað eru einhver atvinnuuppbygging í samanburði við það!!!

 

Skjaldborg heimilanna.

Hækkum skatta og lækkum laun. Ráðstöfunartekjur lækka, fyrirtæki draga saman, fleiri verða atvinnulausir.  "Allir vinna ekki"  átakið !

 

Jú, stjórnin gerði samning við fjármálafyrirtækin um að þau geri minna fyrir einstaklinga en þau hefðu annars gert áður en stjórnin fór að skipta sér af!!!   Og Árni Páll ætlaði sko að redda bílalánunum, reyndar alltaf eftir NÆSTU helgi.  Nokkrum mánuðum síðar dæmdi Hæstiréttur Íslands gengistryggðu lánin ógild.  Flott hjá Árna.  Brúnn og sætur.

 

Stöðugleikasáttmálinn.  Lækkum launin og hækkum skatta (hvað var verkalýðshreyfingin að hugsa).

 

ESB.

Umsókn um aðild að ESB í miðju hruni. Um að gera að setja það í forgang strax, kostar einhverjar milljarðar. Kva!

 

Skattastefnan.

Hækkum alla skatta og tökum upp nýja stofna til skatts, nema skattlagningu séreignarsparnaðar.  Það hækkar ekki vísitöluna þannig að almenningur finnur ekki fyrir því, skattleggjum þar sem það svíður!

 

Órólega deildin.

Fjölmiðlar tala alltaf um "órólegu deildina" í vinstri-grænum.  Er þetta ekki eitthvað öfugsnúið.  Eru hinir ekki frekar svikararnir? (ESB, AGS...).

 

Ógilda kosningin.

Eitt mesta klúður Íslandssögunnar, Stjórnlagaþingskosningin.  Af hverju var Hæstiréttur að ógilda kosningun?  Þetta voru nú bara smávægileg brot á formkröfum.  Skiptir það nokkru máli þegar verið er að kjósa fólk til að endurskoða sjálfa STJÓRNARSKRÁNNA?  Halló, þetta var ekki kosning um hvort opna ætti ÁTVR á Súðavík, þetta er kosning fólks sem á að fjalla um sjálfa stjórnarskrá lýðveldisins.  Stjórnvöld gagnrýna bara Hæstarétt, hann var sko skipaður í valdatíð Sjálfstæðismanna. Reyndar var dómurinn SAMHLJÓÐA og einn dómarinn var formaður Rannsóknarnefndar Alþingis, man ekki eftir að hafa heyrt neina gagnrýni í þá veru að það væri einhver hægri slagsíða á skýrslunni.  Það á kannski bara við stundum.

 

Kvótamálið.

Stjórnin hefur leitað eftir samráði um kvótamálið. Fullt af hagsmunaaðilum.  Sátt liggur fyrir.  Flott, stjórnin ætlar samt að gera eitthvað allt annað!!  En það var samt samráð...

 

Stærsti gallinn.

Stærsti gallinn við vinstri stjórn er sá að ASÍ verður gjörsamlega máttlaust.  Hver hvatti til búsáhaldabyltingarinnar?  ASÍ?  Nei, Hörður Torfa !!!  Hvað hefði Guðmundur Jaki gert?  Hvað væri Guðmundur Jaki búinn að gera?  Þetta eitt og sér er nægjanleg ástæða til að fá vinstri stjórnina frá.  Vekja ASÍ.

 

Vinstristjórn, ALDREI, ALDREI AFTUR !!!

...en þeir hafa samt alveg tussufína aðstoðarmenn, vinstristjórnarráðherrarnir.

Jóhanna Sigurðardóttir og greindarvísitala !

Forsætisráðherra Íslands, Jóhanna Sigurðardóttir, ætlar ekki að segja "NEI" í þjóðaratkvæðagreiðslunni í dag. Hún ætlar ekki einu sinni að mæta á kjörstað og nýta kosningarétt sinn (!) í stærsta máli Íslandssögunnar.  Af hverju vill Jóhanna ekki segja "Nei"?  Hún vill einfaldlega ekki nýjan samning. 

Ef meirihluti þjóðarinnar segir "Já" þá halda núverandi Icesave lög gildi sínu.  Það þýðir að Íslendingar greiða Icesave til baka án þeirra fyrirvara sem samþykktir voru á alþingi í ágústlok 2009.  Það þýðir að við greiðum mun hærra til baka en þau tilboð sem komið hafa frá viðsemjendum okkar síðan forseti Íslands bjargaði íslenskri þjóð.

Hvað þýðir það fyrir viðsemjendur okkar, Breta og Hollendinga, ef við segjum "JÁ"?  Nú þeir sjá sér engan hag í því að semja upp á nýtt.  Af hverju ættu þeir að setjast að samningaborðinu aftur við Íslendinga þegar við værum búnir að segja "Já" við fyrri samningi?  Mynduð þið semja upp á nýtt við einhvern til að fá lakari samning?

Það þarf ekki háa greindarvísitölu til að átta sig á því að þessi þjóðaratkvæðagreiðsla er langt frá því að vera tilgangslaus eða með óljósa valkosti.  

Kostirnir eru mjög skýrir.  Ef við sitjum öll heima eins og Jóhanna þá munu lögin halda gildi sínu og við munum ekki geta samið um eitt né neitt, enginn nýr samningur.  Ef við hins vegar segjum "Nei" þá mun verða samið upp á nýtt.

Ég hvet alla til að nýta kosningarétt sinn og segja eitt stórt NEI 

Þjóðin gengur til kosninga

Steingrímur Joð er gleyminn

Þegar Davíð fór var gengisvísitalan 189,64 (hafði lækkað úr 216,13 frá áramótum).  Í dag er gengisvísitalan 212,07 og hefur því hækkað um 11,83%

Öll gengistryggðlán hafa því hækkað um 11,83% frá því að nýr Seðlabankastjóri tók við !!!

Reyndar hafa stýrivextir lækkað um 1 prósentustig (en Davíð og Eiríkur höfðu haft áform um að lækka þá um 3%) 

Af hverju er Steingrímur Joð ekki að gagnrýna Seðlabankann núna?  Af hverju er engin gagnrýni á Seðlabankann? 

Steingrímur gleymir furðu mörgu þegar hann er kominn í ríkisstjórn sbr. hið gleymda frumvarp VG um lækkun vaxta á verðtryggð húsnæðislán (sjá: http://24.blog.is/blog/24/entry/839866/)

Skilaskyldan heldur ekki

VG gleymdi baráttumáli sínu fyrir heimilin í landinu þegar þeir fóru í stjórn

Hvenær mun frumvarp um breytingu á lögum nr. 38/2001 verða keyrt í gegnum þingið til bjargar heimilum landsins?

Hér er um að ræða frumvarp sem lagt var fram þann 17.11.2008 þegar VG var í stjórnarandstöðu. Frumvarpið er mjög stutt og einfalt. Þar segir:

Verðtryggt lánsfé skv. 14. gr. skal ekki bera hærri vexti en 2%.

Í greinargerð með frumvarpinu segir m.a.:

Með þessu frumvarpi er lagt til að verðtryggð lán beri aldrei hærri vexti en nemur 2%. Við þær sérstöku aðstæður sem nú eru uppi í samfélaginu, óðaverðbólgu og háa vexti, yrði þetta brýnt réttlætismál fyrir lántakendur... ...Með þessu móti er lánskostnaður raunverulega lækkaður í stað þess að einungis sé lengt í snörunni eins og gert er með frestun afborgana.

Ég tel að fjölmiðlar landsins eigi að fá svar við því af hverju VG minnast ekki einu orði á þetta frumvarp eftir að þeir komust í stjórn.  En hægt er að láta þingið ræða fram og til baka um kræklingaveiðar!!!

Frumvarpið má sjá hér: http://www.althingi.is/altext/136/s/0186.html

 

Frumvarp ekki í gegn nema í sátt

Okkar Jose Mourinho

Guðjón Þórðarson virðist alveg ráðalaus.  Hef nú alltaf haft gaman að karlinum, okkar Jose Mourinho sem klárlega er með munninn fyrir neðan nefið.  Hefur fram að þessu haft efni á því að berja sér á brjóst og vera með svaka lýsingar.  Spurning hvaða afsökun karlinn mun koma með núna.  Hverjum skyldi vera um að kenna?  Jose?  Nehhhh.......

Ég er ansi hræddur um að ÍA falli í ár en vona að þeir haldi sér, það væri svo gaman að sjá framan í Guðjón þá :-)

Guðjón hættur með ÍA

Löggæsluna til sveitarfélaga

Ég bý í Mosfellsbæ og ég verð að segja að ég er ekki ánægður með þessa þróun mála hjá sveitarfélögum á höfuðborgarsvæðinu, þ.e. að kaupa þjónustu öryggisvarða.  Finnst þetta vera í ætt við pappalöggurnar hennar Sólveigar hér um árið.  Glatað.

Mosfellsbær, Seltjarnarnes og Kópavogur eiga það sammerkt að bæjarstjórar allra þessara bæja eru sjálfstæðismenn líkt og dómsmálaráðherra sem er yfirmaður löggæslu í landinu.  Strákar, ræðið við Björn.

Ríkinu ber að sjá um ákveðna grunnþætti samfélagsins, líkt og löggæslu.  Ef ríkið getur ekki haldið uppi þeirri grunnþjónustu að gæta borgaranna þá legg til að löggæslan verði flutt frá ríkinu til sveitarfélaganna.

Einkaaðilar sinni hverfagæslu í Mosfellsbæ

Ekki verra að hann er ekki óhollur !!!

Eftirfarandi texta er að finna í fréttinni "Heilnæm sætindi" á mbl.is:
"...og ekki er verra að hann er ekki með öllu óhollur..."

Ég geri ráð fyrir að fréttamaðurinn hafi átt við eftirfarandi:
"...og það góða er að hann er nokkuð hollur..."

Það er óþolandi þegar lesandi þarf að lesa texta/setningar á oftar en einu sinni til að skilja hvað sá er ritaði fréttina átti við. 

Heilnæm sætindi

Einkennileg fyrirsögn á mbl.is

"Olís lækkaði eldsneyti á ný" er fyrirsögn fréttar á mbl.is í dag. Fyrir það fyrsta þá lækkar maður ekki eldsneyti. Verð getur hækkað eða lækkað en ekki varan sjálf.

En þar fyrir utan er orðaval fyrirsagnarinnar merkilegt. Þegar maður les þessa fyrirsögn þá gefur hún til kynna að Olís sé að lækka verðið aftur, gefur jákvæða mynd af því sem gerðist. Það að hækka eitthvað um 6 kr og lækka það síðan um 4 kr. er ekki lækkun á ný. Hefði ekki verið mun meira lýsandi að hafa fyrirsögnina eitthvað í þessa veru: "Olís dregur hluta hækkunar til baka"?

Olís lækkaði eldsneyti á ný

Ég fæ kauphækkun.....

Félag mitt hefur samþykkt nýgerðan kjarasamning BHM og Fjármálaráðherra.  Lögfræðingar felldu samninginn.  Það segir mér það eitt að lögfræðingar eru læsir. 

Hundlélegur samningur, kauphækkun mín er um 50% af verðbólgunni.

17 BHM-félög samþykktu en eitt felldi

Betrunarvist eða refsivist ?

Ég er á því að dómsmálin séu komin í þrot.  Ég er aðallega ósáttur við þrennt:

1. Ég er ósáttur við að fangelsismálastofnun geti stytt dóma (þ.e. veitt föngum reynslulausn).
   
   Í lýðræðisríki líkt og á Íslandi er þrískipting valdsins, löggjafarvald, framkvæmdarvald og dómsvald (þó deila megi um sjálfstæði löggjafarvaldsins frá framkvæmdavaldinu). 
   
   Hvernig stendur þá á því að dómarar dæma t.d. barnaníðing í 6 ára fangelsi sem Fangelsismálastofnun hleypir síðan aftur út í samfélagið vegna góðrar hegðunar eftir 4 ár í fangelsi.  Góð hegðun !  Vist viðkomandi brotamanns er stytt af því að hann býr um rúmið sitt eða segir "takk fyrir mig" eftir matinn (sem hann fær frítt).
   
   Er það eðlilegt að stofnun framkvæmdavaldsins geti tekið fram fyrir hendurnar á dómsvaldinu?
   
   
2. Ég er ósáttur við sjálfa dómana - vægi dóma er einkennilegt.
   
   Ég skil ekki af hverju morðingjar á Íslandi hafa aldrei verið dæmdir í lengri vist en 16 ár.  Á sama tíma virðast menn fá um eitt ár í dóm fyrir hverjar 1.000 e-töflur sem þeir reyna að smygla til landsins.  Ef maður reyndi að smygla til landsins 10.000 e-töflum þá á hann líklega á hættu að fá 10 ára dóm.  Gefum okkur að hann sé að koma frá seglskútu í einhverjum firði seint um kvöld.  Tollvörður sér hann og stöðvar hann.  Smyglarinn á um tvennt að velja. Gefast upp og eiga á hættu að fá um 10 ára dóm eða reyna að sleppa, t.d. með því að myrða tollvörðinn.  Þá gerist annað tveggja.  Hann kemst upp með glæpinn (sem er fínt fyrir hann) eða hann næst og á þá á hættu að fá 16 ára fangelsi.  Áhætta smyglarans er ekki nema 6 ár, í raun ekki nema 4 ár ef hann hegðar sér vel í fangelsinu.  Morðið er hér líklega áhættunnar virði.  Er ekki 16 ára fangelsi of væg refsing fyrir morð?
   
   Mann fá einnig mun harðari dóm fyrir að stela t.a.m. peningum en að nauðga konum eða aka undir áhrifum áfengis eða fíkniefna.  Hvort vilt þú eiga það á hættu að peningum þínum sé stolið eða konu/systur/móður/dóttur þinni sé nauðgað eða að drukkinn ökumaður taki fjölskylduna þína frá þér.  Er ekki mat löggjafar- og dómsvaldsins á refsingu eitthvað brenglað?
   
   Er eðlilegt að okkur sé boðið upp á það að fangi sem dæmdur er fyrir morð, nauðganir og fíkniefnabrot fái svo til sama dóm og sá sem bara myrðir af því að þar er eingöngu refsað fyrir þyngsta brot?  Er þetta svona "happy hour"?
   
   
3. Ég er ósáttur við þá vist sem afbrotamenn fá.  Refsivist vantar.
   
   Sumir glæpir eru einfaldlega þess eðlis að brotamenn eiga fyrst og fremst að vera dæmdir til refsivistar (morðingjar, nauðgarar, barnaníðingar).  Í því á ekki að felast sér klefi sem líkist meira hótelherbergi en fangaklefa.
   
   Ég er á því að maður sem dæmdur er í segjum 25 ára fangelsi fyrir morð eigi fyrir það fyrsta að sitja inn öll 25 árin.  Fyrstu 20 árin væru klárlega refsivist, nokkrir fangar í klefa, engin fríðindi (tölvur, sjónvarp, útvarp), heimsóknir í gegnum "gler", mánudagsmatur alla daga o.s.frv.  Síðustu 5 árin færi hann síðan í betrunarvist (sem væri líkara því sem gerist í dag).  Þar væri unnið að því að byggja viðkomandi upp.
   
   Önnur brot líkt og barnaníð væru eingöngu refsivist - ekki þessi hótelvist sem boðið er upp á í dag.

Ég skora á Alþingi Íslendinga að gera eitthvað í þessum málum og hugsa þennan málaflokk upp á nýtt frá grunni.