Ofsaakstur er tilraun til manndráps

Það þarf að fara að gera eitthvað.

Á hverju ári látast 20-30 manns í umferðinni.  Það er í raun lítið mál að fækka dauðsföllum verulega, í ca. 1-2 dauðsföll á ári.  Ef við ýkjum aðeins (oft gott til að átta sig á hlutunum) og gefum okkur að enginn myndi aka hraðar en á 20 km/klst tel ég öruggt að fækkun banaslysa yrði gífurleg (svo ekki sé talað um fækkun alvarlegri slysa).  En auðvitað er enginn tilbúinn að aka á 20 km/klst til að ná þessu markmiði.  En værum við tilbúin til að færa hámarkshraða eitthvað niður?  Segjum t.d. í 70 km/klst á þjóðvegum?  Hve mörg banaslys yrðu þá?

Í dag eru íslenskir þjóðvegir ekki gerðir fyrir hraðari akstur en 90 km/klst, og reyndar vil ég nú halda því fram að hámarksakstur eigi að vera 80 km/klst.  Ég tel að sektir vegna hraðaksturs ættu að vera mun hærri.  Ef aðili er t.a.m. tekinn á 30 km/klst yfir hámarkshraða á sekt að mínu mati að vera um kr. 300.000.-  og ökutækið tekið af viðkomandi í 30 daga. 

Þessir aðilar sem voru teknir á um 180 km hraða ættu að mínu viti að fá sektir upp á kr. 900.000.- og missa ökutækið í 90 daga.

Björn Bjarnason, beittu þér í málinu !

 

Tveir teknir á yfir 180 km hraða

Athugasemdir

[Gúrúinn, 12.5.2008 kl. 10:46]

Fyllilega sammála! Það eina sem virkar er að láta refsinguna koma illilega við pyngjuna. Það dugir ekkert að taka skírteinið af þeim eða bílinn, þeir keyra bara leyfislausir á lánsbílum (hvort sem þeir eru fengnir að láni löglega eða ekki).

Sekta þá harðlega og stinga þeim inn!

[Tómas Þráinsson, 12.5.2008 kl. 11:12]

Það ætti að taka upp sama kerfi hér eins og í Finnlandi. Þar tekjutengja þeir sektir fyrir umferðarlagabrot og því hærri laun, því hærri sektir. En það er náttulega hægt að hafa lágmarkssektir, þannig að menn hugsuðu sig tvisvar um áður en þeir keyra svona fáránlega.

Að sjálfsögðu ætti líka að taka upp opinberar flengingar fyrir svona lagað. Stórsýning á Lækjartorgi eða Austurvelli, til að skemmta lýðnum eins og á tímum Rómarkeisara.

[Ásgrímur Hartmannsson, 12.5.2008 kl. 15:04]

Hvaða fasismi er þetta?

Hvernig væri að gera eitthvað við vegakerfið í staðinn?  Útbúa það til hraðaksturs?
  Eða bara útbúa það til aksturs?  Hvernig væri það?  Eins og er eru þetta allt hálfgeriðir kindaslóðar miðað við vegina í löndunum sem við þykjumst bera okkur saman við: evrópulöndin.

[Jóhannes Jónsson, 12.5.2008 kl. 19:09]

Það er rétt að upptaka bifreiða virkar ekki á ákveðinn hóp sem stundar hraðakstur.  En það er hellingur af guttum þarna út sem eru með bíla á Glitnis/Lýsingar/SP láni, um að gera að taka bílana af þeim. 

Finnska aðferðin virkar líka vel (annars hefðu sumir bara "efni á" hraðakstri)