Brosi í gegnum tárin

Ég er nokkuð viss um að stuðningsmenn Liverpool brosa hringinn í dag en stuðningsmenn Portsmouth gráta úr sér lungun.

11 milljónir punda fyrir Crouch..... kommon !

Crouch hefur náð samkomulagi við Portsmouth

"Tvær kækur " :-)

Konan mín fór út í búð um daginn og bað ég hana um að kaupa fyrir mig tvær kækur. Ég tek það fram að "kækur" er íslenskt orð. Veit einhver hvað ég bað um?

Hr. Davíð Oddsson

Davíð Oddsson er flottur, því er ekki hægt að neita.  Bjargar gjörsamlega ríkisstjórninni sem hefur alveg klikkað í þessum málum, svo ekki sé nú talað um í PR-málum.  Það veit enginn hvað stjórnin er að gera.  

Ég er ekki frá því að Ólafur Ragnar ætti að veita honum orðu(r) vegna starfa sinna íslensku þjóðinni til heilla.  Það sem að þessi maður hefur gert fyrir íslenska þjóð er hreint ótrúlegt. 

Ég vil Davíð sem forseta.

 

Varnir efnahagslífs styrktar

Athyglisverður árangur hjá skattinum :-)

Fyrirmyndastofnun ársins 2008 var valin í dag.  Í flokki minni stofnana eru 3 stofnanir skattsins í fjórum efstu sætunum, og hefur Skattrannsóknarstjóri ríkisins verið í efsta sæti 3 ár í röð.  Í flokki stærri stofnana var ríkisskattstjóri í efsta sæti.  Þetta þykir mér athyglivert.

Stærri stofnanir
1. sæti, Stofnun ársins - Ríkisskattstjóri 

Minni stofnanir
1. sæti, Stofnun ársins - Skattrannsóknarstjóri ríkisins
3. sæti - Skattstofa Austurlands
4. sæti - Skattstofa Vestfjarða

Fjarhitun og Vélfang fyrirtæki ársins

Mannasiðir, en ekki Sturla(st) !

Af hverju í ósköpunum ætti almenningur að taka þátt í mótmælum vörubílstjóra?  Þeir hafa haldið ótrúlega illa á sínum málum. Hér eru nokkrir punktar:

• Það hafa birst myndir af mótmælendum sem hafa gjörsamlega misst stjórn á skapi sínu æpandi fúkyrðum að lögreglunni þannig að slefið spýtist í allar áttir.  Og kastandi grjóti.  Mjög þroskað og einmitt til þess fallið að fá almenning til að taka þátt í mótmælum, þ.e. ef almenningur væri 13 ára vandræðaunglingur.
  
• Einn af talsmönnum hópsins nefbraut lögreglumann.  Aðaltalsmaður vörubílstjóra reyndi, ótrúlega klaufalega, að afneita talsmanninum.  Hafði aldrei séð hann, en vissi reyndar að hann var nýkominn úr hnéaðgerð !!!  Trúverðugleikinn algjörlega farinn.  Alveg bannað að ljúga í beinni.  Í þessu samtali drap "aðal" mótmælin.
  
• Aðaltalsmaður vörubílstjóra talaði um í apríl að kalla saman Alþingi!  Sæll, eigum við að ræða það eitthvað?  Á almenningur að fylkja sér að baki mönnum sem tala svona? 
  
• Mótmælendur virtu ekki tilmæli lögreglu um að stoppa ekki við Bessastaði þegar tiltekinn þjóðhöfðingi var þar í heimsókn fyrir stuttu.  Af hverju virtu þeir ekki tilmælin?  Hver var tilgangurinn með því að stoppa ekki?  Mannasiðir koma manni mun lengra en ókurteisi, dónaskapur og ofbeldi.  Það vantar allan "klassa" í mótmælin.
  
• Gera hróp að þingmönnum í þingsal!  Það vantar allan "klassa" í mótmælin.
  
• Hverju er verið að mótmæla?  Almenningur skilur þetta ekki.

Þetta stríð er tapað.  Það tapaðist fljótlega eftir að vörubílstjórar opnuðu munninn.  Ef mótmælendur hefðu haldið "kúlinu" við Rauðavatn og Kirkjusand þá hefðu aðgerðir lögreglu orðið til þess að fleiri en 100 hræður hefðu mætt á Austurvöll.  Ég meina það eru álíka margir og bíða eftir strætó á hverjum morgni við Grensás !!!  Í grunninn vantar allan klassa í aðgerðir mótmælenda.

Ábending til mótmælenda:
Skipuleggið ykkur, hafið einn talsmann sem er vel máli farinn, koma því vel til skila hverju er verið að mótmæla, segið satt og síðast en ekki síst miðið við almenna MANNASIÐI. 

 

Mótmælt á Alþingi

Loksins, loksins... Geir út-úr-skápnum?

Loksins ætla Sjálfstæðismenn að fara að ræða ESB af einhverri alvöru (geri ráð fyrir að það gerist ÁÐUR en kemur að þjóðaratkvæðagreiðslu). 

Gaman væri að vita hvor Geir komi út-úr-skápnum í kjölfarið.   Það er alveg með ólíkindum að sá flokkur sem lengst er til hægri í íslenskum stjórnmálum skuli taka við sér á eftir Samfylkingunni og Framsóknarflórnum. Það er ótrúlegt....  en samt..... loksins :-) 

Ég er ánægður með þig Þorgerður.

Hefur áhyggjur af borgarmálum

Stafsetning og málfar

Til mbl.is.  Vinsamlega látið lesa yfir fréttatexta mbl.is.  Það er allt of mikið um villur.

Obama sofnaður á verðinum?

Nafnabirting á ökuníðingum

Hvernig væri það að birta nöfn þeirra sem eru teknir fyrir ofsaakstur? 

T.d. þeir sem eru teknir á yfir 120 km hraða?  Svona eins og barnaníðinga?

Þrír ökumenn kærðir fyrir of hraðan akstur á Suðurnesjum

Ofsaakstur er tilraun til manndráps

Það þarf að fara að gera eitthvað.

Á hverju ári látast 20-30 manns í umferðinni.  Það er í raun lítið mál að fækka dauðsföllum verulega, í ca. 1-2 dauðsföll á ári.  Ef við ýkjum aðeins (oft gott til að átta sig á hlutunum) og gefum okkur að enginn myndi aka hraðar en á 20 km/klst tel ég öruggt að fækkun banaslysa yrði gífurleg (svo ekki sé talað um fækkun alvarlegri slysa).  En auðvitað er enginn tilbúinn að aka á 20 km/klst til að ná þessu markmiði.  En værum við tilbúin til að færa hámarkshraða eitthvað niður?  Segjum t.d. í 70 km/klst á þjóðvegum?  Hve mörg banaslys yrðu þá?

Í dag eru íslenskir þjóðvegir ekki gerðir fyrir hraðari akstur en 90 km/klst, og reyndar vil ég nú halda því fram að hámarksakstur eigi að vera 80 km/klst.  Ég tel að sektir vegna hraðaksturs ættu að vera mun hærri.  Ef aðili er t.a.m. tekinn á 30 km/klst yfir hámarkshraða á sekt að mínu mati að vera um kr. 300.000.-  og ökutækið tekið af viðkomandi í 30 daga. 

Þessir aðilar sem voru teknir á um 180 km hraða ættu að mínu viti að fá sektir upp á kr. 900.000.- og missa ökutækið í 90 daga.

Björn Bjarnason, beittu þér í málinu !

 

Tveir teknir á yfir 180 km hraða

Herða refsingar við umferðarlagabrotum verulega

Ég verð að viðurkenna að ég er búinn að fá alveg nóg.  Í hverri einustu viku eru fréttir af fólki sem er akandi bifreiðum undir áhrifum áfengis eða annarra vímuefna.  Það virðast vera ótrúlega margir sem aka drukknir.  Í gær voru þetta m.a. fyrirsagnirnar (á fyrstu ferðahelgi ársins)

• Einn tekinn fyrir ölvunarakstur í Borgarnesi
• 5 grunaðir um ölvunarakstur (teknir af lögreglunni á höfuðborgarsvæðinu)

Ég er ekki sáttur við það að aka um vegi landsins, með konu mína og börn, og eiga það á hættu að mæta einhverjum sem er drukkinn undir stýri.  En af hverju er þetta svona?  Af hverju aka svona margir undir áhrifum?  Skortir marga svona mikið vit og þroska?  Það er kominn tími til að við gerum eitthvað í þessu aga- og virðingarleysi.

Það eina sem við Íslendingar skiljum er það sem snertir veskið.  Ég tel því að herða eigi refsingar við umferðarlagabrotum til muna og aðallega við hraðakstri og ölvunarakstur.

Það er óafsakanlegt að fólk aki drukkið.  Í slíkum tilvikum á að mínu mati að hafa fjársektir verulegar (byrja t.d. í  kr. 500.000.-) og slík brot eiga í öllum tilvikum að fela í sér upptöku á ökutækinu.  Að auki má gera þetta týpíska líkt og ökuleyfissviptingu (t.d. í 5 ár).  Þessar sektarfjárhæðir ættu að renna beint til lögreglunnar.

Ég skora á Alþingi að herða refsingar við umferðarlagabrotum verulega.  Það er með öllu óásættanlegt að þarna úti sé fólk sem ógnar mér og mínum með hátterni sínu.